Mercanatura, mercado de productos ecolóxicos, naturais e artesanais, é un proxecto ideado pola Asociación de Veciñ@s dos Rosales, en colaboración coas Concellerías de Promoción Económica e de Igualdade e Participación Cidadá do Concello da Coruña.

Dende o 19 de decembro de 2009, Los Rosales acolle un mercado de rúa que nace co obxectivo de dinamizar o propio barrio e convertilo nun lugar de referencia dentro da cidade coruñesa para a compra de produtos galegos naturais e de calidade.

En Mercanatura participan empresas de gastronomía galega, tanto postos de venda como de degustación. Ademais, Mercanatura tamén é o lugar idóneo para adquirir outros moitos productos elaborados con materias primas naturais e de maneira artesanal.

De forma complementaria á celebración do mercado, algúns establecementos hosteleiros da zona ofrecerán tapas ecolóxicas creadas con productos naturais. Ademáis en cada mercado nenos e adultos poden desfrutar de actividades lúdicas e complementarias.